Қазақстанда этносаралық қатынастарды дамыту және азаматтық жауапкершілікті арттыру шаралары

2025 жылдың бірінші жартыжылдығының қорытындысы бойынша, Қазақстанның Мәдениет және ақпарат министрлігі азаматтық келісімді нығайту және этносаралық қатынастарды дамыту бағытындағы жұмыстарды белсенді жалғастыруда. Этносаралық қатынастарды зерттеу нәтижелері бойынша 95%-дан астам респондент елдегі этносаралық қатынастарды тұрақты әрі қолайлы деп сипаттаған.

Этносаралық қатынастар саласындағы мемлекеттік саясатты іске асыру аясында, жыл басынан бері республика өңірлерінде ақпараттық-түсіндіру топтары белсенді жұмыс істей бастады. Бұл топтар азаматтардың құқықтық және этносаяси сауаттылығын арттыруға бағытталған 2000-нан астам оқыту және алдын алу іс-шарасы өткізді.

Этномедиация институты да ерекше көңіл бөлініп отыр. Қазақстанда кәсіби медиаторлар, заңгерлер, педагогтар, психологтар, дінтанушылар, журналистер мен қоғам белсенділері қатысатын 20-дан астам орталықтар мен кеңестер жұмыс істейді. 2025 жылдың алғашқы жартысында олар 500-ге жуық іс-шара өткізіп, 22 мыңнан астам адамды қамтыды.

Жаңа бастама ретінде, биылдан бастап 14 жоғары оқу орнында журналистика мамандығы бойынша оқитын студенттерге арналған "Этносаяси сауаттылық" пәні енгізілді. Бұл журналистерге медиа кеңістікте этностық тақырыптарға жауапкершілікпен қарауға және тұрақты мәдениетті қалыптастыруға мүмкіндік береді.

Қазақстан халқы Ассамблеясы жанындағы Аналар кеңесі этносаралық қақтығыстардың алдын алу бойынша белсенді рөл атқаруда. Қазіргі таңда 1700-ден астам осындай ұйымдар жұмыс істейді. Олар адамгершілік құндылықтарды насихаттап, отбасылық тәрбиені нығайтуға бағытталған жобаларды жүзеге асыруда.

Қайырымдылық пен әлеуметтік жауапкершілік мәселесіне де айтарлықтай назар аударылып отыр. "Жомарт жан" орталықтарында 340-тан астам меценат, волонтер мен қоғам қайраткері бірігіп, қайырымдылық іс-шараларын ұйымдастыруда. 2025 жылдың алғашқы жартысында олар 500-ден астам іс-шара өткізіп, жалпы сомасы 304 млн теңгеден астам көмек көрсетті.

Экологиялық акциялар да азаматтық жауапкершілікті арттыруға қосқан үлес болып табылады. "Таза Қазақстан" жалпыұлттық бастамасы аясында 300 мыңнан астам этномәдени бірлестік өкілдері, жастар мен волонтерлер қатысқан іс-шаралар ұйымдастырылды.