Digital Almaty-2025: Қазақстан цифрлық революция қарсаңында
Қазақстан жасанды интеллект пен автоматтандыру саласында озық шешімдер қабылдай отырып, цифрлық держава мәртебесіне бекем ойысып жатыр.
Бүгінде қазақстандық стартаптар жай дамып қана жатқан жоқ, олар инвесторлар мен халықаралық қоғамдастықтың назарын аудара отырып трендтер қалыптастырып жатыр. 80-ге жуық жас, десе де болашағынан үміт күттіретін компаниялар Digital Almaty-2025 форумында өз жобаларын таныстырды.
"Қазақстан IT саласында қарқынды дамып келе жатқаны ешкімге жасырын емес, бүгінде біз инновациялық стартаптардың жаһандық деңгейге көтеріліп жатқанын көріп отырмыз. Дәл қазір Digital Almaty алаңдарында халықаралық нарықта бәсекелесетін отандық стартаптар ұсынылды. Жасампаз мамандарымыз болашақта Илон Маск, Стив Джобс, Билл Гейтс және басқалар сияқты жаңа "IT-сәуегейлері" атануы мүмкін", — деп атап өтті форумның PR-директоры Ләззат Сағындықова.
Call2Action.ai: кадрларды іріктеудегі революция
Болашағы зор қазақстандық стартаптардың бірі — Call2action.ai. Компания негізін қалаушысы Ерсұлтан Жусакиновтың айтуынша, жоба рекрутинг процесін оңтайландыру үшін жасанды интеллектті пайдаланады. Жүйе қызметкермен сұхбаттың екі кезеңін толығымен автоматтандырады: AI үміткерлерге өздігінен қоңырау шалады, содан кейін жауаптарды талдап, әр үміткерге 10 балдық шкала бойынша баға беріп, бейне-сұхбат жүргізеді. Жұмыс берушілер жүйе таңдаған ең жақсы үміткерлердің тізімін алады, солайша жалдау уақыты мен ресурстарын айтарлықтай қысқартпақ.
KOZ: бизнеске арналған цифрлық көмекшілер
Тағы бір серпінді жоба — KOZ. Жобаны әзірлеуші Ермұхамед Қуатовтың айтуынша, олар компаниялардағы барлық департаментті алмастыра алатын AI агенттерін құрып жатыр. KOZ AI агенттері үміткерлерді өз бетінше талдау, сұхбат және тестілеу арқылы HR бөлімдерінің функцияларын орындай алады. Сонымен қатар, стартап технологиялары сату және маркетинг бөлімдерінде белсенді қолданылады: боттар клиенттерді табады, олармен байланысады және өз өнімдерін сатады.
Нархоз университетінің жасанды интеллектті цифрлық трансформациялау институты
Былтыр Нархоз Университетінің базасында AI саласындағы ғылыми зерттеулер мен әзірлемелермен айналысатын жасанды интеллектті цифрлық трансформациялау институты құрылды. Тау-кен металлургиясы мен мұнай-газ саласына ерекше көңіл бөлінеді. Олардың негізгі жобаларының бірі — машиналық оқыту арқылы өндірістік процестерді оңтайландыру. AI кіретін кенді талдайды және операторларды ауыстыру арқылы өңдеудің оңтайлы параметрлерін ұсынады. Бұл шешім өңдеу көлемін 10%-ға ұлғайтуға және экстракцияны 0,5–1%-ға арттыруға жағдай жасайды. Орташа және ірі компаниялар үшін бұл жоба жылына 50-100 миллион доллар үнемдеуі мүмкін.
Қазақстан цифрлық державаға айналу жолында
Бұл стартаптар — Қазақстанның қарқынды дамып келе жатқан экожүйесінің шағын бөлігі. Инновацияларды мемлекеттік қолдау, венчурлық қаржыландыруды дамыту және жоғары білікті мамандардың болуы жаңа технологиялық көшбасшыларды шығару үшін қолайлы жағдай жасайды. Қазақстан цифрлық революция қарсаңында тұр және жақын арада отандық IT-стартаптар әлемдік ”ойыншылармен” бәсекелесуге қабілетті болпақ.
Digital Almaty 2025: Казахстан на пороге цифровой революции
Любое использование материалов допускается только при наличии гиперссылки на cronos.asia.
Подписывайтесь на Telegram-канал Central Asia Cronos и первыми получайте актуальную информацию!