Енді сервистер сапарлар тарихын ескеріп, жолдың ықтимал нұсқаларын талдайды және жүргізушілерге бірнеше нұсқаның ішінен таңдауға мүмкіндік береді: мысалы, ең жылдам, ең қарапайым немесе таныс маршрут. Бұл көлік жүргізуді енді бастағандарға күрделілігі төмен маршрутты таңдауға, ал тәжірибелі жүргізушілерге таныс жолмен жайлы жетуге көмектеседі.
Яндекс Карты және Яндекс Навигатордағы жекелендірілген маршруттарды жасанды интеллект ұсынады. ML-модель маршрут құрастыру жүйесі ұсынған жол нұсқаларын және жүргізушінің сапар кезінде сервисті қалай пайдаланатыны туралы жинақталған деректерді талдайды. Мысалы, жүргізушінің маршруттан қаншалықты жиі ауытқитынын, қай жол нұсқаларын жиі таңдайтынын және қандай қашықтыққа дейін жүретінін ескереді.
Қолжетімді жолдар мен сапар жағдайына қарай Яндекс Карты және Яндекс Навигатор маршруттардың оннан астам түрін ұсына алады. Мысалы, негізгі маршрутта күрделі жол айрықтары мен кері бұрылулар көп болса, сервистер көлік жүргізуді енді бастаған адамға "Қарапайым" маршрутты ұсынуы мүмкін. Үй мен жұмыс арасындағы тұрақты сапарлар үшін – "Таныс", ал қаланың бір шетінен екіншісіне бару кезінде "Орталық арқылы" және "Айналып өту" нұсқалары ұсынылады.
Егер межелі жерге барынша тез жету маңызды болса, жол жүру уақыты ең аз "Жылдам" маршрутты таңдауға болады. "Қысқа" маршрут ең аз қашықтықты ұсынады, ал "Оңтайлы" нұсқа жол жүру уақытын, қашықтықты және кептелістерді ескереді. Егер кептелісі жоқ жолмен жүруге мүмкіндік болса, сервистер "Кептеліссіз" маршрутты ұсына алады.
Маршрут нұсқаларын көлік экранынан да таңдауға болады. Бұл мүмкіндік Яндекс Карты және Яндекс Навигаторда Apple CarPlay немесе Android Auto арқылы қосылған кезде қолжетімді.